ट्वाइलेटमा मोवाइल चलाउनुहुन्छ ? ख्याल गर्नुस्, ज्यानै जान सक्छ (भिडियो रिर्पोट)

- नेपाली सन्देश

प्रविधिको युगमा मोबाइल एक अत्यावश्यक वस्तु बनेको छ । ट्वाइलेट वा बाथरुममा हुँदा फोन प्रयोग गर्ने धेरैको बानी हुन्छ । यदि तपाईंमा पनि यस्तै बानी छ भने अब त्यसो नगर्नुहोस् । ट्वाइलेटमा बसेका बेला गेम खेल्ने, च्याट गर्ने वा फोनमा बोल्ने गर्नु स्वास्थ्यमाथि खेलवाड गर्नु हो । यस्तो बानीले मृत्यु पनि हुनसक्छ।

बाथरुम वा ट्वाइलेटमा मोबाइल प्रयोग गर्ने बानीले गम्भिर रोग निम्त्याइरहेको विशेषज्ञहरूको दाबी छ । ट्वाइलेट बाहिर प्रयोग गरिने वस्तु, मोबाइल वा अन्य वस्तु ट्वाइलेट भित्र प्रयोग गर्न नहुने विशेषज्ञले सुझाएका छन्।

जब तपाई ट्वाइलेटमा ‘फ्लस’ गर्नुहुन्छ अथवा पानी हाल्नुहुन्छ, युरिन तथा फोहोर वस्तुहरू केही फिटमाथिसम्म आउँछ, हावामा मिसिन्छ। जुन रोग सङ्क्रमणको कारण बन्छ । जति पटक ‘फ्लस’ गर्नुहुन्छ उति पटक कीटाणु हावामा फैलने गर्छ । त्यसैले पनि दिशा बस्दा बोल्न हुँदैन भनिन्छ। यसको अर्थ बाथरुममा हुँदा मुख खोलेमा कीटाणु पस्छ भन्न खोजिएको हो।

ट्वाइलेटमा राखिएको ‘पेपर होल्डर’मा सबैभन्दा बढी कीटाणु बसेका हुन्छन्। धेरै जसोले आफ्नो फोन त्यही ‘पेपर होल्डर’मा राख्ने गर्छन्। जसका कारण इ-कोइल, सालमोनेला, सि-डिफिसाइलजस्ता ब्याक्टेरिया फोनमा सल्किन्छ। अनि त्यही फोन हामी दिनभर हातले समात्छौँ, त्यही हातले खाने कुरा खान्छौं। यति गर्दा पनि ट्वाइलेटमा फोन बिना बस्नै सक्नुहुन्न भने, ‘स्पिरिट’ ले फोनलाई बारम्बार सफा गर्नुहोस्।


– DC Nepal

Sat-Mar-2018, 01:56 pm मा प्रकाशित, 4 जनाले हेर्नुभयो

Leave a Reply

Your email address will not be published. Required fields are marked *